DIA DEL PATUÉS 2017
El día 12 de mayo se va selebrá el Día del Patués al Palasio dels Condes de la Ribagorsa a Benás dan la presensia del Director Cheneral de Política Llingüística del Gobierno de Aragón, José Ignacio López Susín y altres autoridats benasqueses.
Isto an se va presentá un audivisual dan grabasions de tota la mainada del CRA Alta Ribagorza, del I.E.S. de Castilló de Sos y del C.E.S. de Benás. Dintro del material grabau i hebe endivinetes, cansonetes como “El Rap del Patués” u la de “Cuatre u Sinc”, retahiles y obres de teatro como la de “E amarga la verdat” o “Curso de patués ta forastés” y un documental titulau “Contrastes: La neu antes y ara”. Tabé bells cuentets fets per la mainada de infantil como per exempllo “Netú va ta la escuela de Sarllé” u el diaporama de la escuela de Saúnc “El Caragol y la mata de Tremonsillo”.
Dispués se va fé la entrega dels premis del concurso lliterario “Vila de Benás de patués enta autos choves”. Serca de una veintena de chicots y chicotes van resibí ben emosionats els galardons.
Asi us posam el video del RAP DEL DÍA DEL PATUÉS.