El zaguer diya de marzo, mosicos de La orquestina bon estar en Castilló (Castejón de Sos) fendo un taller de danzas tradizionals ta’s ninons de las aulas d’aragonés d’el C.R.A. “Alta Ribagorza”.
Y anque la nieu no nos dixaba allegar-ie per la pista de Chía, ni es tiempos son como ta pasar fendo rota dende San Chuan per el Collau de Saún… ta la bezina Ribagorza que bon dir cuan nos ba gritar la nuestra amiga Carmen Castán. Ixo sí… en brispa de las bacazions de semana santa se sentiba la ulorina a fiesta y bon fer serbir la mosica como portillo que trancase el trimestre y ubrise unas bacazions merexidas; asinas que el nuestro taller ba esdebenir en una fiesta de toz y ta toz.
L’autibidá s’incluyiba n’o programa d’animazión Arredol d’a luenga e a cultura aragonesas y es fabirols bon disfrutar asabelo biyendo la respuesta tan formidable de toz es que i ban estar con nusatros (escolanos, mayestros/as, pais, mais…). Grazias. Mesmo i ba amanixer l’amigo Ramón Gargallo de Benás ta acompañar-nos con la suya trompa ribagorzana.
——————————————–
Fuente: Blog del Fabirol
